jueves, junio 12, 2008

0 botizo d'os ninons. CARASOL ARAGONÉS

CARASOL ARAGONÉS 0 botizo d'os ninons

Dimpués d'o parto, ra cho­ben se quedaba una mi­queta amolada, acotolada, y s'estaba en a cama un par de dí­as pa esgallinar-se, nomás s'endre­zaba pa dar-le de tetar a ro ninón u ninona, que pasaba o tiempo en brazos y en a cuna. A dueña biella la cosiraba a ormino y le feba güera caldo de tica biella y bel zancarrón, güegos sotobaus con vino rancio y tajadetas de pan con vino y azu­cal, sopambina, como as Tuecas. En que teneba más fortor saliba enta solanera y prenzipiaba a dondiar alredor d'a casa, sin perder-le po­llada a ro ninón. No podeba den­trar en a ilesia hasta que no pasa­ba a cuarentena y ro mosen le fe­ba a zerimonia de purificación.

O choben charraba con o mo­sen pa biyer cuan posaba fer o bo­tizo, d'acuerdo con o rito catolico. Ixe día se feba una chicota fiesta familiar, ent'a qu'embitaban os pa­rieras més a mara (padres, tíos, chermans), eslexiban os padrinos y ra dueña preparaba güenos gui­sadez y prostes.

O día siñalau, o escolano tocaba as campanas pa clamar a todas as chens enta misa. As mullers aco­taziaban o ninón con as mellors ropas que teneba, por denzima no podeba faltar o sayón de botizar, que as lolas alzaban en Parca pa ixe menister. Bien tapau si feba frior, lo portaban en brazos os pa­drinos, cuasi siempre tíos d'o ni­nón, acompañaus d'o padre, os lo-los y demás parieras, por a carrera t'arriba, cara ta ilesia. Como no te­neba más que dos bentañons, con a poqueta luminaria d'as velas, es­taba muy escora, y o probe cha-galón s'espantaba y se meteba a plorar, con més fortor cuan o mo­sen le zapucaba l’augua por a ca­peta, denzima d'a pila.

En que se remataba o botizo y a misa, saliban toz enta lonja, cha­rrutiaban as chens y alufraban os zagals y zagalas d'o lugar, con a fa­laguera de catar os lamins (ca­rambelos, peladillas, cocas...), que os padrinos portaban en un zeste­ta de bimbre y les rae zapucaban a zarpadas por as capetas, dimpués d'abele-ne dau un puñau a ro mo­sen y o maistro. En as casas de muita fachenda, amás d'os lamins, fichaban perras gordas y chicas, Tiendo petenar a os mozez por a plazeta pa pillar-las. A contina­zión feban una güena lifara en ca­sa, con a parentalla y demás em­bitaus qu'eban acodido.

Os padrinos soleban tener una fineza pa cutio con o chagalón qu'eban apadrinau: le daban bella coseta en os cabos d'año y pa Na­vidá unos lamins que se clamaban as estrenas (crespillos, abillanas, peladillas, carambelos, barretas de turrón...). Ixo yera en chene­ral, porque tamién en abeba que se feban o longuis y os chagalons teneban qu'escatizar-les l'acor­danza.

JOSÉ MARÍA SATUÉ. VOCABULARIO ALUFRAR: observar. BOTIZO: bautizo. ESGALLINAR-SE: recu­perarse. ZAPUCAR: tirar.

No hay comentarios:

.

Archivo del blog

.